影片
更多
2017-12-22
278 瀏覽
🍲Series: #FoodFam主食系列👨🏻💻Admin: #FoodFamUncle.Openrice 話佢係日本菜，其實 Kikusan 係包哂中國菜同日本菜。中式嘅有抄手、中式餃子、擔擔面，日式則有魚生、刺身、卷物、烏冬，但佢又唔係 fusion 喎。Fusion 菜係將兩種特色結合係一款菜式上面，但呢到只係同時 serve 兩款菜。.將結語放前，其實食嘅時候，我都覺得有點兒奇怪，食食下魚生突然隔離食件小籠包，轉頭食完串燒再要扒多兩啖辣雞飯，咁樣跳黎跳去其實好影響用餐個 flow，但如果大家只求一次過滿足哂三個願望就當然無問題。.🐔 辣雞肉碎溫泉蛋飯 $88小小辣，好開胃好惹味，溫泉蛋嘅存在意義反而唔太重要，事關佢太細隻，撈完跟本唔見左。反而佢令我唸起我係台北食過一味花椒燒蛋，滿滿嘅花椒炒肉碎，加兩大隻太陽蛋，蛋汁溝埋肉，辣味得以中和，一大盤我扒到汁都無得剩。講返 Kikusan，雞肉碎炒到焦脆，口感一流，但當然其實係咩肉已經唔會食得出。唔計價錢，我最鐘意就係呢一味，但係 $88 嘅價錢，又唔係旅遊嘅態度，自然會有點兒卻步。.🐷 豚肉小籠包 $48都算唔錯。好易蒸唔熟嘅尖頂都
👨🏻💻Admin: #FoodFamUncle
.
Openrice 話佢係日本菜，其實 Kikusan 係包哂中國菜同日本菜。中式嘅有抄手、中式餃子、擔擔面，日式則有魚生、刺身、卷物、烏冬，但佢又唔係 fusion 喎。Fusion 菜係將兩種特色結合係一款菜式上面，但呢到只係同時 serve 兩款菜。
.
將結語放前，其實食嘅時候，我都覺得有點兒奇怪，食食下魚生突然隔離食件小籠包，轉頭食完串燒再要扒多兩啖辣雞飯，咁樣跳黎跳去其實好影響用餐個 flow，但如果大家只求一次過滿足哂三個願望就當然無問題。
.
辣雞肉碎溫泉蛋飯
$88
26 瀏覽
0 讚好
0 留言
🐔 辣雞肉碎溫泉蛋飯 $88
小小辣，好開胃好惹味，溫泉蛋嘅存在意義反而唔太重要，事關佢太細隻，撈完跟本唔見左。反而佢令我唸起我係台北食過一味花椒燒蛋，滿滿嘅花椒炒肉碎，加兩大隻太陽蛋，蛋汁溝埋肉，辣味得以中和，一大盤我扒到汁都無得剩。講返 Kikusan，雞肉碎炒到焦脆，口感一流，但當然其實係咩肉已經唔會食得出。唔計價錢，我最鐘意就係呢一味，但係 $88 嘅價錢，又唔係旅遊嘅態度，自然會有點兒卻步。
.
豚肉小籠包
$48
14 瀏覽
0 讚好
0 留言
🐷 豚肉小籠包 $48
都算唔錯。好易蒸唔熟嘅尖頂都係一咬就爛，入面有湯汁，肉唔太咸，都可算「皮薄餡靚」。有一敗筆係跟埋黎嘅薑絲竟然係求其切左幾刀，跟本仍然都係一大塊。無薑絲一啖吞落去，自然感覺唔夠完滿。
.
Kikusan 卷
$68
18 瀏覽
0 讚好
0 留言
🍣 Kikusan 卷 $68
朋友極力推介，其實即係一份碎吞拿魚腩卷，topped with 三文魚子、海膽、蔥絲。所有材料份量充足，啖啖碎魚腩，三文魚子多到瀉。細嚼幾粒魚子，都算唔錯，起碼都有鮮味而且唔腥。唯一係海膽嘅參與令到我覺得佢畫蛇添足，口感上同多左舊醬無分別，味道上好易比其他野 overpower，所以我寧願撥開佢，之後先慢慢食。
.
串燒
$28
18 瀏覽
0 讚好
0 留言
🍖 燒雞肝 $28、燒豚腩 $28
合格之貨。味道唔會令人意外，亦唔會覺得好差，$28 會有些少唔抵嘅感覺。
.
魚生飯
$138
23 瀏覽
0 讚好
0 留言
🍱 魚生飯 $138
滿滿嘅魚生粒，份量相當充足，細味每款魚生都尚算新鮮但又未至突出。合格。
.
佢其實唔係唔好味，但又無乜出色表現令人覺得佢 overprice，但又始終佢都係 Hysan 入面，我估大半都去左比鋪租。以銅鑼灣嘅中心黎講，性價比都已經算係唔錯，起碼一個人黎食想飽都只係幾十蚊埋單。
.
佢其實唔係唔好味，但又未好味到我會特登返去搵佢，而且我覺得最惹味嘅雞肉碎飯其實都 $88，咁基於荷包著想，我都只好比...
.
2⃣ 經過可能去食 💁🏻♂
張貼
