UURO

營業中

休息中

其實呢間嘢都幾似茶記嘅。價錢同茶几都差唔多。咁食物方面就梗係冇出邊西餐廳個質素啦，但係個價錢完全係符合個食物質素嘅。嗌咗個意粉同埋焗豬扒飯，意粉嘅醬都OK嘅，所以啲料比較少。至於焗豬扒飯，比大家樂嘅好食。仲有嗌咗個西多士，雖然冇大陸嘅文通冰室嘅模式，但都算係不過不失。之前見到啲食評話佢啲嘢唔好食，但我又覺得大家唔可以用出邊西餐廳嘅質素嚟同呢間茶記比較。同埋呢間茶記嘅座位非常之多，都容易等到位。算係一間好嘅茶記啦。