小胖台灣便當 (偉華中心)

營業中

休息中

好可愛嘅嘜頭，小胖好似我家小胖😂，所以，路過忍唔住買啲外賣返屋企試下！一個餐有大大盒碗，餸菜＆配料都份量十足！仲有小食＆台式茶飲，嗌兩個餐只係 $154，都幾抵😌！［三杯雞蜜汁炸雞排便當］🐔，台灣雞排果然大塊！差不多遮晒啲飯😌，肉厚但嫩滑，輕烤過嘅雞皮寧舍香，蜜汁甜蜜🍯，邊食邊滲透淡淡三杯酒微辣味，好好味！［逢甲香烤豬軟骨便當］🐷，有4-5件大大豬軟骨，煮到非常軟腍入味，醬汁濃郁，惹味非常🤤！欣賞佢兩款便當都有多款配菜，粟米🌽、煎蛋角🍳、 蓮藕片、小唐菜🥬等等，顏色又豐富，又夠一餐嘅纖維👍🏻👍🏻。小食我嗌咗［台灣涼拌豬耳］＆［懷念鹽酥雞］，細細份，又可以滿足我掛住台灣夜市小食嘅心，雞鹽酥雞非常酥脆，但唔油膩，炸得剛剛好👍🏻。