好吃吃光

營業中

休息中

今次同朋友放工食晚飯，好開心，因為揀到間又好味，態度又好既餐廳！呢個鹽酥雞滷肉飯，大力推介，份量大，而且滷肉整得好好，唔會太入味，但係又夠晒味，加上有好多汁，個飯變到好惹味！鹽酥雞即叫即炸，好脆卜卜，但唔會覺得油膩！西利！朋友就揀左葱油乾拌麵配煎蛋，葱油好香好夠味，有青瓜紅蘿蔔絲作配料，煎蛋煎得剛剛好，唔會太焦！而且麵好彈牙有咬口，確實不錯！仲叫左個小食，係起司肉鬆蛋餅。起司味道唔會搶，同肉鬆配合得天衣無縫，互相點綴！我地每日叫左杯飲品，我飲凍阿薩姆紅茶，唔會太濃，唔會苦澀，剛剛好！朋友既熱冬瓜茶都相當不錯，唔會死甜，仲好解渴！原來呢間台灣餐廳仲係米紙推介既餐廳！