影片
更多
2024-10-20
756 瀏覽
最近同朋友去咗一間超紅嘅燒肉店——燒肉Smile，聽講佢哋喺台灣年銷售高達120萬份，真係勁！而且仲攞咗2022年網路人氣NO.1，口碑好到不得了😍呢間店喺旺角文華商場，附近仲有築間幸福鍋物同築間台灣鹹酥雞，真係美食集中地，光係諗都已經口水流晒！😍😍今次我哋試咗兩個套餐，準備大快朵頤😆😆首先我哋點咗日和極上盛合套餐，連飲品大約$300元。呢個套餐主打係和風醬燒肉，配埋越光米飯、信州味噌魚湯同港式奶茶。仲有A5 和牛😍😍肉質鮮嫩，醬汁入味，真係一口接一口，停唔落來！呢個套餐用料非常之正，仲包埋龍躉同埋新鮮鮮蝦 ～ 睇相你就知😉信州味噌魚湯清淡又鮮甜，飲完之後心情特別好。最後仲有港式奶茶，飲落去好似喺香港茶餐廳，超正！😝跟住我哋又試咗燒鳥盛合套餐，價錢$200有找😎😎😎真係超值！所以呢間餐廳豐儉由人，叫平嘅Set又得，貴嘅都得🤓🤓呢個套餐嘅燒鳥用日式麻油椒鹽調味，香味四溢，食落去又滑又嫩。而且可以一次過食晒雞嘅唔同部位，例如雞頸肉、雞軟骨、雞筋都有😉😉越光米飯搭配得好～濟州海帶豆腐湯清爽可口，食燒肉之後飲一碗🤓🤓最後飲品揀左芝士抹茶奶蓋，甜度啱啱好，抹茶味香濃，令人驚喜☺️除咗主菜，燒肉Sm
呢間店喺旺角文華商場，附近仲有築間幸福鍋物同築間台灣鹹酥雞，真係美食集中地，光係諗都已經口水流晒！😍😍今次我哋試咗兩個套餐，準備大快朵頤😆😆
首先我哋點咗日和極上盛合套餐，連飲品大約$300元。呢個套餐主打係和風醬燒肉，配埋越光米飯、信州味噌魚湯同港式奶茶。仲有A5 和牛😍😍肉質鮮嫩，醬汁入味，真係一口接一口，停唔落來！呢個套餐用料非常之正，仲包埋龍躉同埋新鮮鮮蝦 ～ 睇相你就知😉信州味噌魚湯清淡又鮮甜，飲完之後心情特別好。最後仲有港式奶茶，飲落去好似喺香港茶餐廳，超正！😝
跟住我哋又試咗燒鳥盛合套餐，價錢$200有找😎😎😎真係超值！所以呢間餐廳豐儉由人，叫平嘅Set又得，貴嘅都得🤓🤓呢個套餐嘅燒鳥用日式麻油椒鹽調味，香味四溢，食落去又滑又嫩。而且可以一次過食晒雞嘅唔同部位，例如雞頸肉、雞軟骨、雞筋都有😉😉越光米飯搭配得好～濟州海帶豆腐湯清爽可口，食燒肉之後飲一碗🤓🤓最後飲品揀左芝士抹茶奶蓋，甜度啱啱好，抹茶味香濃，令人驚喜☺️
除咗主菜，燒肉Smile仲有自助吧，可以任食生菜同韓式小菜，真係太好啦！生菜可以隨意包肉，韓式小菜味道多樣，令整個用餐體驗更豐富。而且套餐入面仲有飲品同甜點，食完真係好滿足。😝😝😝
總括來講，燒肉Smile嘅價錢親民，味道又好，真係值得一試。平日嘅雙拼套餐定仲要最低都係$128，正餐單嘅單拼套餐$168，雙拼$178，係非常之親民嘅燒肉😜😜。如果你想搵個地方同朋友聚餐，呢度絕對係個好選擇！下次再來我一定會再點呢兩個套餐，因為好食嘅嘢真係令人回味無窮。
地址係旺角砵蘭街240-244號文華商場1樓C號舖，快啲去試下啦！
張貼
