影片
更多
2022-06-04
187 瀏覽
一直都好想嚟北角呢間「九份飽」食餐飯，不過每次晚市時段經過，都見到佢坐滿食客，非常旺場。趁今日星期六，唔洗返工，專登早啲起身過嚟吃頓午餐。餐廳嘅裝潢好有特色，設計走懷舊復古風，店內佈置以九份老街為主題，配上木製檯櫈、天花吊掛的紅燈籠及一室九份著名景點裝飾，令人有恍如置身於台灣老街之感。大腸包小腸 ($36) 外層大腸以糯米炮製，中間夾住台灣香腸，而面頭就加咗大量酸菜粒同芫茜。糯米口感軟糯，香腸鹹中帶甜，腸衣微韌，兩種唔同嘅口感，但係食落好夾，雙重滋味。紅燒牛腩油麵 ($52) 牛腩用傳統紅燒燉煮方法烹調而成，食落肉質好鬆化，入味又腍身。湯底味道醇厚，帶陣陣牛脂香，一點也不油膩。油麵淡黃有光澤，入口滑溜不黏。香酥雞扒魯肉飯 ($52) 雞扒有五塊，炸至金黃色，食落非常香脆，肉嫩又多汁。魯肉以五花腩切成肉丁，肉質肥瘦相間，入口豐腴肥美，配上香濃嘅醬汁，用嚟撈飯食一流九份芋圓 ($38) 呢個甜品嘅用料好豐富，內有仙草、豆腐花、紅豆及三色芋圓。仙草清甜順喉，質感滑溜。豆腐花豆味香濃、紅豆鬆軟入味，芋圓煙韌彈牙，煙韌控必試。黑糖珍珠奶茶 ($25) 珍珠 Q 彈，奶茶香滑，黑糖味好香
一直都好想嚟北角呢間「九份飽」食餐飯，不過每次晚市時段經過，都見到佢坐滿食客，非常旺場。趁今日星期六，唔洗返工，專登早啲起身過嚟吃頓午餐。
餐廳嘅裝潢好有特色，設計走懷舊復古風，店內佈置以九份老街為主題，配上木製檯櫈、天花吊掛的紅燈籠及一室九份著名景點裝飾，令人有恍如置身於台灣老街之感。
大腸包小腸 ($36) 外層大腸以糯米炮製，中間夾住台灣香腸，而面頭就加咗大量酸菜粒同芫茜。糯米口感軟糯，香腸鹹中帶甜，腸衣微韌，兩種唔同嘅口感，但係食落好夾，雙重滋味。
紅燒牛腩油麵 ($52) 牛腩用傳統紅燒燉煮方法烹調而成，食落肉質好鬆化，入味又腍身。湯底味道醇厚，帶陣陣牛脂香，一點也不油膩。油麵淡黃有光澤，入口滑溜不黏。
香酥雞扒魯肉飯 ($52) 雞扒有五塊，炸至金黃色，食落非常香脆，肉嫩又多汁。魯肉以五花腩切成肉丁，肉質肥瘦相間，入口豐腴肥美，配上香濃嘅醬汁，用嚟撈飯食一流
九份芋圓 ($38) 呢個甜品嘅用料好豐富，內有仙草、豆腐花、紅豆及三色芋圓。仙草清甜順喉，質感滑溜。豆腐花豆味香濃、紅豆鬆軟入味，芋圓煙韌彈牙，煙韌控必試。
黑糖珍珠奶茶 ($25) 珍珠 Q 彈，奶茶香滑，黑糖味好香濃，味道唔錯。 黑糖芋頭牛奶 ($32) 芋頭沒有打得太爛，入口綿密又有奶香，食到粒粒口感。
張貼
