燈籠滷味 (朗豪坊)

營業中

休息中

旺角朗豪坊餐廳眾多，而且換餐廳既速度都唔慢。呢間燈籠滷味，見佢都開左一段時間，台灣未排得到去，就番食個滷味回味下先😆😆首先叫左份酸梅粉炸地瓜條。地瓜條外皮炸得金黃酥脆，入面軟糯香甜搭配上酸梅粉的微酸同微甜，係有令人愛不釋手既感覺，食完一條又一條。做開胃菜定小食都唔錯。一個人食熱氣，同人share就岩哂👍🏻跟住係細份滷肉飯。話細份其實都唔算，畢到拱起既飯再淋上滷肉汁🤤🤤一開始仲覺得汁唔夠，但食落就岩岩好😊因為飯周圍條邊都淋到滷肉汁。滷肉咸香，滷汁勾芡送飯一流。跟住係主角滷味拼盤，我地叫左牛肚、豬大腸、百頁豆腐、甜不辣，再加個王子麵😍😍滷牛肚和滷豬大腸都滷得夠林，同時仲有煙韌爽彈既口感。百頁豆腐就軟綿綿得黎有少少彈牙，吸收左滷汁，就帶有滷汁的香氣甜不辣有驚喜，入口偏軟，但咬落都係煙煙韌韌，最緊要係有平時甜不辣冇既魚肉香味。王子麵包埋個底，perfect👍🏻👍🏻最後仲叫左碗芋圓配蕨餅。除左有芋圓地瓜圓同蕨餅，仲有黑糖珍珠紅豆🫘成個組合有多樣材料，所以豐富的口感。另外我地仲叫左杯茉香奶綠奶味濃郁，飲落有淡淡茉莉花香纏繞口中🥰鐘意佢飲落唔甜，奶味偏重，有淡淡茶香😊整體黎講，食物質素都唔錯，滷味既