一起食堂 (域多利皇后街)

營業中

休息中

星期六晚同老公一齊食台灣菜，我地叫左好多野食。紅燒牛肉麵烏冬彈牙滑身，牛肉有四舊，全部都大大舊，而且煮得好腍，好好食。花雕麻油雞湯麵另外有一樽花雕俾你自己倒落湯到，我地倒晒，所以酒味濃郁，雞肉好嫩滑，完全唔鞋。綜合關東煮幾大碗，有白蘿蔔、貢丸、墨魚丸、年糕袋、腐皮、魚餅、獅子狗、冬菇、小棠菜，非常豐富，又清清地。吉列炸蠔炸得好酥脆，蠔既size都唔會好細。鹽酥雞份量頗多，調味岩岩好，唔會過鹹，又夠惹味。