巷仔內

營業中

休息中

喺觀塘地鐵站附近，工業大廈內的台式料理，空間好大，以木系為主，仲有一排窗口，舒適柔和。 去到啲店員態度好友善，原來大部分係台灣人嚟㗎！午市有好多套餐選擇，有便當、手工肉餅、牛肉麵、夜市小食，及大滷桶五香滷味😍 當然唔少得多款台式特飲😌古早味香腸肉燥便當，用可愛圓形碟盛住，上面有惹味嘅肉燥粒醬、台式香腸、勁靚仔嘅流心 還有煙韌又晶凝通透嘅冬粉，整碟都好豐富！跟餐有飲品，亦可加錢升級！ 我就點了～大甲芋頭牛奶，走糖去冰，唔甜牛奶順滑，仲可以食到粒粒芋頭，好有口感！小食就試咗炸物拼盤，有九層塔鹽酥雞、馬告香腸、快樂地瓜球、炸香菇， 鹽酥雞好香脆，地瓜球Q彈煙韌，香菇咬落好多汁，整體都幾好食又抵食！