一起食堂 (軒尼詩道)

營業中

休息中

位於灣仔軒尼詩道嘅台式小店，主打一系列嘅麵食、飯類、小食同飲品，地點方便，大件夾抵食。店內座位偏少但人流快，係唔少上班族會去食午餐嘅好地方。私心推介麻辣豬軟骨拌刀削麵，麻辣味淡，小朋友都啱食，豬軟骨煮至軟身且入味，刀削麵Q彈帶咬口。健康之選有特濃豆乳雞烏龍麵，雞塊嫩滑，豆卜索滿湯汁，雞湯底混合豆乳，夠清。小食方面都有幾多選擇，鹽酥雞同地瓜條比想像中大份，炸至酥脆可口，調味唔算好重，感覺更健康、台灣腸配上蒜片，有夜市嘅風味，配飯一流、府城蝦卷味出，咬落QQ哋，值得一試。