影片
更多
2024-05-06
41 瀏覽
香港人最鍾意就係食放題，我都唔例外。今次就嚟咗馬祖食台式任食火鍋。入到去啲位置都算闊落，7:30前嚟咗或者九點之後入座價錢會相對便宜。今次我哋就好早過咗嚟食，本來人均400嘅套餐，只係需要300零就食到。而呢個時間過嚟食都幾舒服，舖頭相對少人，可以相對清靜咁樣打邊爐。食邊爐放題重點之中嘅重點，當然就係牛肉。今次我哋呢個餐兩種任食牛肉，分別係安格斯牛肩胛同埋安格斯牛肉。而佢哋嘅牛肉係咁多間火鍋店入面，我會認為係相對出色，唔會好肥，亦都唔會好韌，啱啱好！同其他火鍋店唔同嘅係，佢哋有提供shake shake 薯條，而佢哋都係包括喺套餐入面，絕對會推薦紫菜味，好食過某M字牌嘅薯條！當然台式邊爐亦都唔少得佢哋嘅小吃，佢哋嘅台灣肉腸等等嘅台式小食亦都中規中矩。而且佢哋嘅火鍋配料種類亦都相當之多，只要你諗到嘅全部都有。而湯底我哋今次就嗌咗田園蕃茄雞肉濃湯，湯底亦都冇令我哋失望，成個湯底好入味，第一啖食已經覺得超出咗其他火鍋店幾班！最後飲品方面，佢亦都提供咗幾種嘅茶，同埋汽水，一邊食住咁熱氣嘅火鍋，一邊飲住解熱氣嘅茶，心理都會平衡返啲！絕對會推介一班朋友或者情侶過嚟呢度食盡佢！
入到去啲位置都算闊落，7:30前嚟咗或者九點之後入座價錢會相對便宜。今次我哋就好早過咗嚟食，本來人均400嘅套餐，只係需要300零就食到。而呢個時間過嚟食都幾舒服，舖頭相對少人，可以相對清靜咁樣打邊爐。
食邊爐放題重點之中嘅重點，當然就係牛肉。今次我哋呢個餐兩種任食牛肉，分別係安格斯牛肩胛同埋安格斯牛肉。而佢哋嘅牛肉係咁多間火鍋店入面，我會認為係相對出色，唔會好肥，亦都唔會好韌，啱啱好！
同其他火鍋店唔同嘅係，佢哋有提供shake shake 薯條，而佢哋都係包括喺套餐入面，絕對會推薦紫菜味，好食過某M字牌嘅薯條！
當然台式邊爐亦都唔少得佢哋嘅小吃，佢哋嘅台灣肉腸等等嘅台式小食亦都中規中矩。而且佢哋嘅火鍋配料種類亦都相當之多，只要你諗到嘅全部都有。
而湯底我哋今次就嗌咗田園蕃茄雞肉濃湯，湯底亦都冇令我哋失望，成個湯底好入味，第一啖食已經覺得超出咗其他火鍋店幾班！
最後飲品方面，佢亦都提供咗幾種嘅茶，同埋汽水，一邊食住咁熱氣嘅火鍋，一邊飲住解熱氣嘅茶，心理都會平衡返啲！
絕對會推介一班朋友或者情侶過嚟呢度食盡佢！
張貼
