老媽拌麵 (THE FOREST) (已結業)

一直都鍾意食老媽拌麵出嘅即食伴麵原來香港開設咗餐廳，同媽媽👵🏻去試吓👀店舖樓底相當高，裝修文青風格午市套餐選擇非常多，配埋前菜兩款，指定飲品一杯，有拌麵，湯麵🍜，飯類🍚兩款前菜非常健康，香滑豆腐加豆角仔台式半筋半肥牛微辣湯拌麵 我揀咗粗身嘅刀削麵食起來既有口感又掛汁🤤而今日提供俾我嘅牛筋完全係骨膠原嚟拌麵底嘅拌麵汁調味得唔錯D醬油唔會太鹹仲帶輕微嘅麻辣味🌶️另外點咗🐮紅燒三寶牛肉麵，湯清甜牛味濃，牛筋入口即溶，牛腱好有咬口！呢到最出名手工日曬關廟麵口感q彈又無防腐劑，食到舔舔脷 👅🥭芒果沙冰將芒果肉打碎混入沙冰，每啖都有芒果清甜味道，上面加上忌廉，淋上鮮味芒果醬，飲完透心涼