馬辣台式鴛鴦火鍋 (創興廣場)

營業中

休息中

馬辣係台北係必食之選，估唔到香港都開左間一樣名的「馬辣」。旺角開左新店一於打一打卡，晚間人流好多，入座都要等一等，可見人氣一d 都唔差。一入內已有台式火車設計雪櫃放晒d 野食。形式同台灣馬辣一樣，自助bar, 自助飲品，更加有自助雪糕任食！食幾多拎幾多，減少浪費。識食一定食麻辣湯底，唔係因為辣，而係因為台式麻辣湯一定會有鴨血食！當然唔係人人接受到，但閩南人/老一輩香港人都唔少人愛豬紅/鴨血呢d 食材。湯底亦足料，香港馬辣比較大眾口味，選擇小辣係微辣且香，唔會辣到食唔到食材味道。食材新鮮補充快，多款食材亦與台灣一樣已預先醃制好，如牛筋，豬大腸等，滾熱返就食到濃濃香味。牛肉亦係美國choice 系，入口牛味濃，脂肪分佈平均且鬆軟有口感。最後雪糕有自助dreyer's 及其他品牌任食，食到超飽肚走人。