蝦立方休閒娛樂釣蝦場

營業中

休息中

之前已經嚟過呢一度釣蝦，然後發現佢11月會有埋釣蟹，所以就專程去多次。星期六下午去成個場都好full，釣蝦同埋釣蟹都係同一個池入面。見到都有啲人釣到蟹，但係我哋就見唔到。因為我哋釣到唔多蝦，所以員工都有送一啲冰鮮蝦俾我哋食，我哋之前釣到一隻死蝦佢都會比返一隻生蝦俾我哋。我哋揀咗鹽燒蝦，如果要其他煮法就要加錢，不過鹽燒已經好好食。啲蝦好新鮮，蝦肉好彈牙，仲有蝦膏添。如果唔想喺度食，你都可以選擇將啲蝦帶返屋企自己煮。