餐廳設計簡約，帶有文青風格，亦感覺大自然環境，地方闊落，舒適又寫意！
先睇睇餐牌，有好多種類的台灣菜，包括牛肉麵、滷肉飯、台灣傳統麵食、蕃茄米線、定食、手工餃子、小食、特式飲品等，真的很不錯。
三盛紅燒牛肉麵 $75
一碗可以吃到三款不同食材就最啱我啦！這大大碗麵，除了爽滑煙韌的台灣麵條外，食材有腱心牛肉、牛腩和牛丸，3樣牛味香濃，腱心牛肉和牛腩都軟淋不韌，牛丸爽口彈牙。清徹的養生清燉牛肉湯底，香氣撲鼻，牛味濃，美味無比！
加配了兩款小食，一款是涼拌黑醋茄子 $8，開胃小吃，黑醋味濃郁，茄子爽滑。另一款是滷水豆腐 $10，滑嘟嘟，豆味濃郁，豆腐吸入了滷水汁，食起來散發淡淡麻油香味，好吃。
酥炸排骨滷肉飯 $59
炸排骨都幾大塊，外皮鬆軟，炸得好香脆，內裡肉質鮮嫩，肉味濃厚，配合舖滿了豬肉和香菇的滷肉飯，口感豐富，好餸飯，好惹味。
古早味滷水雞翼 $26
古早味的滷水料味道特別，清淡而帶出滷水的鹹香味，亦有麻油味，雞翼肉質嫩滑，雞翼完全吸入了滷水汁的味道，香氣撲鼻，眨吓眼已經吃完。
仙氣草莓茶 $30
粉紅色澤好靚，茶裡帶有些草莓果肉，草莓味香濃，清甜而不膩，冰冰涼涼，口感清新。
仙氣芒果茶 $30
濃濃的芒果味，選擇了少冰少甜，甜道適中，飲起來有少少果肉，有口感，消暑解渴。
