影片
更多
2023-09-06
37 瀏覽
「別忘了」由人氣荃灣店開到去大西北嘅天水圍分店啦，我又點可以唔試下呢？餐廳主調為粉紅色，門口有棵櫻花樹，相當有特色，入面空間都算寬敝，乾淨企理，帶俾人舒適嘅感覺。平日午市時段有60分鐘定食邊爐套餐，有七款豬肉或牛肉揀，湯底方面就有九款，除此之外，仲有各式各樣嘅小食、甜品同飲品。七款肉類分別係：西班牙粟飼豬梅片牛板腱極上牛翼板美國封門柳美國牛小排日本宮崎牛紐西蘭頂級肉眼.而湯底就有：台灣麻辣湯芝士牛奶鍋台灣藥膳當歸湯店灣惹味沙茶湯台灣香濃椰子雞湯台式壽喜燒台灣蕃茄湯「別忘了」香濃豬骨湯鰹魚昆布湯。我地分別揀左椰子雞湯同蕃茄湯。椰子雞湯好清香，椰子味亦非常濃郁，帶輕輕嘅雞味，至於蕃茄湯味道極之鮮甜，值得推介。肉類我地揀左每位＄118嘅紐西蘭頂級肉眼，牛味香濃，肥瘦適中，食落唔會鞋口，咁嘅價錢每人都有150g 牛肉都算係超值。雖然呢個係午市定量放題，肉類無得追加，但係火鍋配料好多，一定唔洗驚唔夠飽。最值得一提嘅係餃丸類，牛丸、包心丸、香菇貢丸、魚丸、芝士餃、蛋餃、獅子狗樣樣齊，蔬菜方面仲有粟米、菠菜、木耳、紫心蘿蔔、A菜、金針菇、南瓜、羽衣甘藍、玉米筍，梗有一兩款啱食。除此之外，仲有各式各樣
「別忘了」由人氣荃灣店開到去大西北嘅天水圍分店啦，我又點可以唔試下呢？
餐廳主調為粉紅色，門口有棵櫻花樹，相當有特色，入面空間都算寬敝，乾淨企理，帶俾人舒適嘅感覺。平日午市時段有60分鐘定食邊爐套餐，有七款豬肉或牛肉揀，湯底方面就有九款，除此之外，仲有各式各樣嘅小食、甜品同飲品。
七款肉類分別係：
西班牙粟飼豬梅片
牛板腱
極上牛翼板
美國封門柳
美國牛小排
日本宮崎牛
紐西蘭頂級肉眼
.
而湯底就有：
台灣麻辣湯
芝士牛奶鍋
台灣藥膳當歸湯
店灣惹味沙茶湯
台灣香濃椰子雞湯
台式壽喜燒
台灣蕃茄湯
「別忘了」香濃豬骨湯
鰹魚昆布湯。
我地分別揀左椰子雞湯同蕃茄湯。
椰子雞湯好清香，椰子味亦非常濃郁，帶輕輕嘅雞味，至於蕃茄湯味道極之鮮甜，值得推介。
肉類我地揀左每位＄118嘅紐西蘭頂級肉眼，牛味香濃，肥瘦適中，食落唔會鞋口，咁嘅價錢每人都有150g 牛肉都算係超值。
雖然呢個係午市定量放題，肉類無得追加，但係火鍋配料好多，一定唔洗驚唔夠飽。最值得一提嘅係餃丸類，牛丸、包心丸、香菇貢丸、魚丸、芝士餃、蛋餃、獅子狗樣樣齊，蔬菜方面仲有粟米、菠菜、木耳、紫心蘿蔔、A菜、金針菇、南瓜、羽衣甘藍、玉米筍，梗有一兩款啱食。
除此之外，仲有各式各樣嘅飲品，有別於其他火鍋店，呢度仲有台式飲品，好似珍珠奶茶、水果茶、百香果梳打咁，可以揀甜度同冰量，認真唔錯。
熟食方面有脆皮香蕉、地瓜丸、脆皮地瓜條同香甜番薯仔，極有台灣風味。
甜品方面亦都有好多選擇，好似芋圓仙草、雪榚窩夫咁，我喜歡嘅係「雲呢嗱雪糕配迷你窩夫」，佢標榜係用蘭王蛋整，窩夫外脆內軟，配埋凍冰冰嘅雪榚，一冷一熱成強烈對比，至於芋圓仙草亦都相當出色，芋圓食落勁有咬口，令人一口一口咁食過不停。
張貼
