老媽拌麵 (THE FOREST) (已結業)

星期五放工後同老公去左旺角食晚飯。川味紅燒三寶牛肉湯麵麵揀左刀削麵，麵質幾滑，湯底微微帶辣，三寶是牛腱、 牛肚、牛筋，三寶味道都唔錯，唔韌唔鞋。私房花雕雞拌麵呢個就揀左幼麵，麵質同樣好滑身，雞件幾大件，花雕味唔算出，但起碼雞肉唔鞋，仲有半隻溏心蛋同菜。澎湖花枝丸有六粒，上碟係熱架，好耐無食過花枝丸，止下台灣癮。炸地瓜球我揀左黃QQ(黃地瓜球+花生碎)，入面包實晒番薯同花生醬粒，有少少似食緊西多士，亦相當飽肚。冬瓜檸檬一定要篤一篤片檸檬，再攬勻飲，幾清涼，略甜。