牛大人台灣火鍋吃到飽 (瓊華中心) (已搬遷) 新店位置

佢地打邊爐分開咗3個唔同級別嘅套餐，由第1級「🐮精選嫰牛」、到「🐮美國特級安格斯」、同最高級喇嘅「🐮澳洲極上和牛」， 價錢由$208 (👩🏻🧑🏻大人) 同 $148 (🧒🏻👧🏻小童) 起，不同時段唔同收費。因為今次小妹出錢🥲💸，好秘密地叫咗最貴個set請娘親。亞娘除咗可以叫澳洲極上和牛嘅肉款外，仲可以向下叫嗰兩個級別嘅嘢食！當然係手機點餐時仲有🍡小食、🍤炸物、額外付費食物等類別。🧋🧃野飲方面，手機點餐內會有一般見慣見熟嘅台式/火鍋飲料，即係冬瓜茶、酸梅汁之類，佢哋都係免費嘅，唯獨是🍋🥤鴨屎香檸檬茶係收費($25)，不過好好彩，舖頭做緊promotion, Like FB/IG 就可以🆓免費飲到😃而出面嘅大雪櫃都可以拎到牛大人獨有嘅冷泡茶🍵，罐裝飲品。豉油區對出亦有熱啲薑母茶化下胃氣添，我自己就覺得野飲幾多選擇！自助配料區亦唔錯，有唔同⚪️丸類同🥬蔬菜，好似有我最愛嘅蘿白，海帶結、粟米、皇帝菜咁。上層又放住🍜王子麵同🍜雞絲麵，佢地細細真係好啱打邊爐，食完唔會話塞脹個肚，而食唔落其他嘢。