桂花小幸 (元朗廣場)

營業中

休息中

工作做到無停手，港九新界四圍走，走吓走吓走到大西北-元朗，元朗都真係出晒名多嘢食，可惜我又唔多熟路，又無做功課，喺元朗大馬路附近就走咗入元朗廣場。台灣式小店到午飯時間已很多人，見幾個人排隊，我都排吓，等大約5分鐘入座，點咗個鹽酥雞排滷肉飯，加杯熱咖啡。鹽酥雞炸得好脆，粉唔算厚，台式炸物的確係另有一種特別味道，再加上淮鹽咸香脆，滷肉肥瘦適中唔會太重味都好食加上珍珠米煙韌彈牙。環境方面可能係商場舖比較細， 裝修係簡單台系風格靚嘅，但座位就有啲逼。