湊湊火鍋‧茶憩 (K11購物藝術館)

營業中

休息中

平時去湊湊都係打邊爐，今次就去咗食下午茶。下午茶有兩個餐，有小食類同主食類，小食類有六款，包括有香酥蚵仔、台南鹽酥雞、炸魚皮、四川小酥肉、荔枝蝦球同埋紅糖糍粑，價錢分為可以自選兩款或三款小食，主食類就係台灣牛肉麵，另外仲可以加$28加配無限添飲手搖茶飲，總共有二十多款，可以試到多款茶飲，出面嘅前菜同生果都係可以任拎，真係好抵！小食我地揀咗香酥蚵仔、荔枝蝦球同埋紅糖糍粑，香酥蚵仔炸得好香口，荔枝蝦球賣相吸引，紅糖糍粑口感外脆內軟，甜度適中。台灣牛肉麵有牛肉、牛筋同埋牛肚，麵條爽滑。