Wooloomooloo Prime

營業中

休息中

男朋友生日就梗係要book餐廳慶祝㗎啦千揀萬揀做晒research同問埋朋友就揀咗呢間有海景而且牛扒都幾出名嘅餐廳前菜方面我哋就叫咗呢一個係蟹餅我哋見到好多人都有嗌 所以都有少少期望但係試過之後覺得味道真係一般 所以性價比來講真係有少少貴可以揀過第二啲主菜方面我哋叫咗一個牛扒一個三文魚扒個牛扒係脆㗎外面嗰層 而且個味都好重燒烤味 男朋友就話係佢食過最好味嘅牛扒 哈哈哈我自己就覺得太誇張喇不過個味道都係好味嘅醬汁方面佢係有四款唔同嘅醬汁俾你去食呢個牛扒嘅 我最鍾意嗰味就係酸菜同埋蒜蓉🤪食完牛扒我哋都再叫咗個三文魚扒呢個菜就相對普通所以就唔多講啦 如果選擇主菜好頭痛 想揀牛扒再揀多一樣 我會建議下次可以揀龍蝦🦞 最後因為我哋兩個都好鍾意食薯條所以帶埋一個薯條 但其實兩個人叫三個菜份量真係有啲多下次可以大家一齊share一個主菜 再叫個薯條或者直接skip薯條最後就梗係甜品驚喜啦最激死係我事前已經再三叮囑侍應 要預先落心太軟同埋喺上邊寫字 打電話訂枱嘅時候講過一次 去食飯前一日再講 點知去到都係無人記得㗎 最後唯有扮去廁所嘅時候捉住個侍應再講多最後一次😅😅😅 先成功製造呢個驚喜咋