今次叫左佢既二人套餐，包左一set 6塊鹿兒島黑毛和牛,一份壽喜燒配菜
一份烏冬，兩杯飲品，兩隻日本蛋，聽落好似唔多野，但其實係飽到兩個人都食唔哂的!
首先佢既壽喜燒鍋底汁係用左佢特色既棉花糖做法，先燒左棉花糖之後，用淨低既焦糖加強並鎖住左汁既香味。
然後佢會係你面前，一塊一塊既和牛幫你燒到你所需想既熟度，我自己就最鍾意食5成熟既和牛啦。
和牛連埋日本蛋汁食，和牛既油脂香同埋棉花糖壽喜燒汁香同蛋汁混合埋一齊食，滿滿既香味，加上入口即溶既感覺真係無得輸。
食完一塊之後，佢會再睇你幾時需要食下一塊再幫你燒，保證你每次都係食到岩岩煮好既和牛。食哂和牛之後，佢會加水落鍋到然後再煮壽喜燒配菜同埋烏冬，配菜款式好多，包括有豆腐，腐皮，椰菜，蒟蒻絲，蟹柳，金菇，大菇等等，佢地係壽喜燒汁煮過既情況下，非常入味! 烏冬亦都非常出色，非常滑。
飲品方面今次我地分別叫左杯蘋果同菠蘿特飲，都非常有特色，鍾意飲甜野既可以試下蘋果特飲，而唔想飲咁甜既話菠蘿特飲酸酸地，都可以一解和牛既膩感。
成個套餐都唔駛一千蚊，性價比極高，而且環境非常好，有獨立房坐4-6人，如果問我既話，係我係香港食過感受最好既壽喜燒。
