蘇媽.蘇媽馬來西亞茶餐室 (已結業)

[ 蘇媽.蘇媽馬來西亞茶餐室 ]中意食東南亞菜嘅朋友，相信對呢間食馬來西亞菜嘅餐廳唔會陌生。由最初深水埗店，到之後荃灣、旺角店都有幫襯過，有幾樣嘢每次去到都係必點！✿ 百吉嗲肉骨茶 🍲🍲 $52-$158肉骨茶有多款配料選擇，視乎配料而價錢不同。無論order邊款配料，肉骨茶都可以免費無限添飲😛 肉骨茶係偏馬拉配方，濃郁而藥材味香。建議大家按自身體質或狀態決定食用與否🫢棒棒肉、豬手咬落啖啖肉，好正😬😬✿ 「辣死你嗎」椰漿飯 💚💚$66可配咖喱雞肉、仁噹牛肉或參巴魷魚。椰漿飯係綠色😍 有少量椰香味。當日簡咗仁噹牛肉味道似咖哩牛腩，牛肉加上香料煮得幾入味。參巴醬有啲辣，但配飯幾惹味。✿ 椰香咖央多士 🥪🥪$35多士塗上滿滿嘅咖央醬，椰香加上牛油味好邪惡。鐘意食甜嘢嘅朋友一定鐘意呢個😝😝✿ 凍馬來西亞拉茶 🥤+$22 (單叫$29）拉茶用煉奶沖，會有少少偏甜。唔想飲咁甜可叫少甜。佢係傳統嘅馬拉拉茶，飲慣港式奶茶應該會覺得好大分別🤣🤣總結🫦每間分店餐牌上嘅食物有少許唔同，但以上介紹嘅食物全部分店都有。餐廳人氣高，坐滿的話環境會有點逼，但中意食東南亞嘢嘅朋友不妨一試。✿✿✿✿✿✿✿✿✿✿✿✿✿✿