2 Soon Cafe

營業中

休息中

之前朋友已經同我介紹過太子呢間Cafe，雖然細細地一間，但係真係喺區內好出名，因為真係超高質。今日我自己約埋朋友嚟，就完全明白點解，今日收工過嚟之後，大概七點嚟到，已經坐滿晒人，而且成條街入面，呢間餐廳係真係比較突出嘅，裝修係行小清新風，帶點兒摩洛哥風，感覺好舒服。嘢食方面就係西班牙同日式嘅fusion，今次我哋要咗一個西班牙辣肉腸蕃茄藍青口煲嘅tapas，主食就要咗蟹肉伏特加蕃茄忌廉粗管通粉同埋焦糖慢煮豬腩配汁煮大根及燒京蔥。tapas雖然應該係細細地一碟，所以上枱見到份量咁多嘅時候都係有驚喜，所有青口都又大隻又鮮甜， 十分肥美。我個人其實對pasta都幾有要求，所以對個蟹肉伏特加蕃茄忌廉粗管通粉都確實係有surprised到嘅，口感al dente，而且瓜汁能力超高，醬汁好cream，好滿足。朋友亦都話佢個焦糖慢煮豬腩配汁煮大根及燒京蔥整得好好，豬腩完全冇鞋，而且好入味，有微微嘅甜味去解滯。如果有機會，下次一定會再嚟食brunch，見到佢有lunch Menu，但係對佢嘅咖啡亦都好感興趣！