URBAN Cafe (兆萬中心)

營業中

休息中

四人前往貓貓Cafe，要咗個Set，包含精選餐湯 、沙律、主食、飲品。原條鰻魚明太子忌廉扁意粉：鰻魚好大條，多肉，意粉夠多汁，足以食完，較膩，適合分享。鹽燒牛舌蕃茄羅勒芝士意大利麵：牛舌有兩大塊，厚身，啖啖肉，意大利粉煮至軟身，番茄醬酸甜，我鐘意呢款多d。西班牙燒烤醬黑毛豬肋骨：要時間燒，新鮮滾熱辣，上面塗上醬汁，肉骨分離，絕對拍得住出面好貴嘅西餐廳，性價比高。安格斯牛肉手工漢堡配薯條：麵包鬆軟，微微脆身，牛超級厚切，搭配番茄同少量醬汁，口感豐富。滋味四人小食拼盤：一定要加錢要，有齊酥炸雞翼、唐揚炸雞、薯條、洋蔥圈，成座山咁高，炸至酥脆可口，而且份量好多，好正。飲品：百香果蜂蜜梳打，Babyccino泡沫鮮奶，前者甜度適中，後者偏淡，不過都幾解渴。