Meowtini Cat cafe & Bar

營業中

休息中

放工來到了朗晴坊7樓的喵天尼，和喵喵有個約會。之前係黎食午餐，呢度日間時間係cafe，但晚上變成西餐，仲提供不少特色cocktail。可以一邊飲酒chill住和主子互動！今次專登試下$368的晚市二人餐。晚上黎到，同樣地貓貓們都係慵懶地訓覺，一派悠然，望住佢地真係令人好放鬆。二人餐的沙律先黎，雜菜沙律有柚子醋，酸甜清新。南瓜忌廉湯香甜又creamy。鮮蟹肉蟹膏意大利粉蟹子卜卜脆，意粉質地軟硬適中，加上仲有絲絲蟹肉，creamy又好食！加錢的香煎紐西蘭草飼肉眼，賣相好靚仔，厚切的足足有10安士重。我地要求的3成熟亦做得恰到好處，牛扒有牛味又有咬口，好好食！熱朱古力有可愛的小雞拉花，香甜濃厚。山政小山園抹茶則是天鵝拉花，口感幼滑茶味夠濃。最後食埋個雪糕就大滿足了！呢度除了是cafe，晚上仲係間喵喵bar，有各式酒類和cocktail供應。放工三五知己黎飲返杯再同主子玩下，實在是放工一大樂事。