孖啡 (已結業)

原本跟友人約在另一餐廳，但臨時改了地點，才找到這間可悠閒hea聊的樓上cafe。店內空間頗大，尤其卡座梳化好寬敞，四周玻璃窗及牆上都貼有別致的剪影裝飾，正正是悠閒cafe的佈置格局。先來一客香蒜白酒蜆意大利粉，蜆肉雖然比較細隻但是份量超多，而且好乾淨唔會食到有沙，意粉麵身好彈口唔會太軟淋，蒜香汁好多，一齊食入口好好味。至於牛肝菌帆立貝野菌意大利飯做得好creamy，菌汁濃郁，帆立貝都算大隻。主食set包了$38以下的飲品，以上的就要補差價，飲品選擇多，不過我對塔羅特飲這個系列比較感興趣，尤其「女皇」（玫瑰,檸檬,乳酪沙冰）好切合我個名，無理由唔叫，沙冰有少少酸甜帶玫瑰香，兼且仲有好多Cream，友人則點了杯「皇帝」（熱情果,檸檬汁)解渴又解膩。最後食埋個朱古力心太軟加雪糕，心太軟的甜度剛剛好，最鐘意夾埋雪糕食個種又涷又熱的口感。整體來說食物水準好平均，重要的是店員服務好好，亦唔會趕人走，聊天談心舒適又愉快。跟友人誤打誤撞來到，可見其實世事就是如此，順其自然，一切自有最好的安排。