影片
更多
2022-05-08
194 瀏覽
仲係實施緊二人限聚，朋友揀咗呢間餐廳作為佢離開前嘅聚腳點。餐廳細細，大概有十幾張枱。訂位時侍應話繁忙時間限時90分鐘，咁就訂平日兩點，希望可以坐耐少少。到達餐廳時，仲有大半數枱仲有食客。我同朋友獲安排坐喺餐廳較入嘅位置，仲好，可以静静地話當年。朋友叫咗全日早餐，我就叫咗Daily Rice「廚師幫你諗埋午餐 - 飯」配熱泡沫咖啡，即係要上枱時先知道有咩餸。都幾啱有選擇困難嘅朋友，不過前提係你咩都食先好考慮。全日早餐份量都多，有多士配自選果醬、薯餅、炒蛋、香腸、茄汁豆、車厘茄、半條香蕉仲有細細杯乳酪，當午餐食都無問題。塊多士喺貓貓(?)形狀，幾得意，小朋友同貓奴可能唔捨得食。Daily Rice係照燒汁雞扒珍珠飯，雞扒好嫩滑，燒汁甜甜地，易送飯。份量唔細，但唔經唔覺就食晒，好滿足。咖啡同飯一齊送到，食完碗飯先飲已經凍晒。咖啡有啲淡，奶泡都幾厚，拉嘅花過咗成廿分鐘都仲係好清楚。食到三點幾，可能餐廳外無客人等位，侍應都由得我地繼續坐到四點先散。
餐廳細細，大概有十幾張枱。訂位時侍應話繁忙時間限時90分鐘，咁就訂平日兩點，希望可以坐耐少少。
到達餐廳時，仲有大半數枱仲有食客。我同朋友獲安排坐喺餐廳較入嘅位置，仲好，可以静静地話當年。
朋友叫咗全日早餐，我就叫咗Daily Rice「廚師幫
你諗埋午餐 - 飯」配熱泡沫咖啡，即係要上枱時先知道有咩餸。都幾啱有選擇困難嘅朋友，不過前提係你咩都食先好考慮。
全日早餐份量都多，有多士配自選果醬、薯餅、炒蛋、香腸、茄汁豆、車厘茄、半條香蕉仲有細細杯乳酪，當午餐食都無問題。塊多士喺貓貓(?)形狀，幾得意，小朋友同貓奴可能唔捨得食。
Daily Rice係照燒汁雞扒珍珠飯，雞扒好嫩滑，燒汁甜甜地，易送飯。份量唔細，但唔經唔覺就食晒，好滿足。咖啡同飯一齊送到，食完碗飯先飲已經凍晒。咖啡有啲淡，奶泡都幾厚，拉嘅花過咗成廿分鐘都仲係好清楚。
食到三點幾，可能餐廳外無客人等位，侍應都由得我地繼續坐到四點先散。
張貼
