點煲 (新港城中心(4期)) (已結業)

7月23日/星期五，又試下啲未食過嘅嘅餐廳。淮山杞子燉雞湯$58/跟煲仔飯$38料OK，唔覺有味精，淮山，排骨，雞都煲到好淋，跟煲仔飯一齊叫$38，算喺低飲。香辣蓮藕雞絲$15價錢反映質素，雞絲爛曬，好似我平時屋企喂貓啲雞胸咁。燒賣$25一客三粒，普通，冇驚喜，係蟹子比較多。棉花雞$26成碟都唔喺新鮮雞，雞肉雪藏味超重，醃料完全去唔到雪藏味，令到個棉花都係充斥着雪藏味，不了。臘腸卷$26呢個係有啲水準，臘腸肥瘦恰到好處，加埋個包吸收晒臘腸咬出嚟嗰啲油，完全唔覺肥膩，值得一讚。鹹魚雞粒煲仔飯$83炭火煲仔飯，水準嚟講我個人就覺得普通，價錢反映唔到質素，呢個煲仔飯值$58，唯一只係可以贊就喺鹹魚夠大，令到個飯可以食到魚香，飯焦夠多脆口唔錯，每張枱上面都有豬油附送，不過豬油脂係油，食唔到豬油嘅香，完。總括來講得出結論，嚟呢度食飯朋友聚餐可以，以我嘅要求未必會想咁快想嚟食多次。