Italian Tomato Café (創紀之城五期(apm))

營業中

休息中

好耐無去幫襯，話說幾年前去過叫咗一個什麼菠菜意粉，得果三塊菠菜葉，似伴碟多個主角，都唔知自己食梗乜，食梗齋意粉？！又唔係平，所以無再去。好啦事隔多年，又搬舖，又去試下啦。.叫咗兩個主菜，一個跟餐。好彩只係叫咗一個餐，佢一上碗湯一睇就知係麵粉湯，佢話係蘑菇湯，雖然佢白雪雪，但又有蘑菇味，勉強接受。.餐飲叫咗杯凍朱古力，要另加$10，都夠朱古力味嘅，果舊cream，好彩唔係毫無味道得油膩感果種，不過亦唔係好香好邪惡咁種。而值得讚嘅係佢枝飲管係可分解物料，好難得有餐廳會用。.到主菜..碟煙三文魚蒜香意粉一上檯，好似好煮家式上碟，不過味道都可以。而我碟明太子帆立貝意式燴飯，賣相都係無乜，就好似麥記啲相同實物嘅差別….好彩明太子同個飯都好食，燴飯比一般risotto 偏軟，反而啱我口味，而啲帆立貝味道較淡。.整體我覺得呢個價錢..加上呢種餐廳格局可以做好啲。(唔好話我知啲資金投放咗响可分解飲管度…)服務ok嘅！希望下次去會有改善。