魂 (已搬遷) 新店位置

次次經過都見到勁多人排隊，見今日得閒就同老婆排下。半個鐘後先入到去呢間得十幾個位，五個店員互相半咸不淡地「郁衰郁些」既店仔。Menu得四款豬骨湯，我地點左蕃茄豬骨麵同聲稱每晚限量三十碗既菠菜豬骨麵。麵身淥得太冧，湯底太杰太鹹，不過塊叉燒同熏蛋係好食的。整體食物算ok，不過係拉麵林立既銅鑼灣就絶對唔值排半個鐘。我相信openrice果80幾個笑，係來自佢地店員們細聲廣東話大聲日文，加埋門口長期有人排隊，再配合門口手寫menu包裝而黎。