FRITES Belgium on Tap (曦巒) (已搬遷) 新店位置

雖然成日去銅鑼灣食飯，但如果唔係朋友介紹都無發現呢間餐廳！一入到去不自覺wow左聲，樓底好高裝潢好靚，周圍放滿主打既比利時啤酒，十分有格調。 Salmon Tartare ($155)Tartare一向係我starter中既常客，新鮮既三文魚配上青瓜粒、小黃瓜粒、香等等，加上適量既青檸汁，味道好清新好合胃口，唔錯！ Laksa Mussel Pots ($235)本身諗住試原味既，但waiter話laksa特別d，就試下佢喇！一送上檯就有強烈既香味湧入鼻，青口十分肥味，都有十七十八隻，兩個人食份量剛好。喇沙湯底同青口出奇地夾，既香甜又帶少許惹味，配上超香脆既麵包同薯條，真係令人食到停唔到口。 Steak and frites ($385)最後上檯既係14oz既安格斯肉眼扒，Medium-rare煮得剛好，肉汁保留得到而且十分易咀嚼。再搽上香濃既牛油，本身食完個青口都開始飽但都忍唔住一舊接一舊。不過配菜又係薯條，媽呀減肥又失敗喇，因為香脆既薯條係面前根本忍唔住唔食呀！Frites環境舒適而且有氣氛，食物性價比又高，下次會再帶朋友黎試其他野！