酒の和

營業中

休息中

雖然舖頭細細，但係坐得十分舒服，尤其鍾意佢木製既枱櫈。呢度主打清酒，亦都有燒酌同梅酒。如果你唔識飲清酒都唔使擔心，因為呢度有個好專業既清酒通哥哥介紹清酒俾你。你只需要同佢講你想飲咩口味既清酒，佢就會介紹一款合適既清酒俾你。今晚佢介紹咗一隻有香蕉味既約米吟釀俾我地飲，好特別好啱口味。如果你係清酒expert，呢度有好多款唔同既清酒，你一定會揀到支啱口味既。另外，舖頭仲有一位好卡娃兒既日本女生，服務態度超好，笑容可恭又細心。飲酒又點可以無佐酒小食。呢度既小食種類好多，我食過咖哩薯餅同明太子芝士年糕，係正既。所以唔使擔心齋飲酒無野餸咁寡。喺「五人非法集結」前好好咁飲咗一晚，下次一定會再黎幫襯。