餃子駅 (MegaBox) (已結業)

第一次寫食評就比左呢間野🙂上網睇一睇原來係太興旗下 食物質素都幾令人失望。同朋友叫左個 海之幸 灼餃拼盤 $118 12隻 睇餐牌張相其實個拼盤都唔算貴 仲幾吸引 點知圖片真係只供參考。蟹粉蟹肉 - 味道係重啲嘅 但同行朋友都唔覺得食緊蟹味🤭蝦三鮮 - 無咩特別 直程無咩味咁🥶海膽 - 味道唔算太出 平平無奇🤷🏻‍♀️海參 - 呢個真係唔好講笑 食落口完全食緊魯肉飯咁款🙂另外再試左個普通韮菜煎餃 一上枱 賣相又係完全唔吸引😀煎餃完全唔似煎餃 一啲口感都無 普通韮菜餃都可以令你好失望 如果呢間野係想sell皮薄嘅話 其實都叫成功 但真係想食好食嘅水餃 餃子真係唔好試🙂