七喜粥麵小廚

營業中

休息中

響太子工作差不多十年，每次經過呢間茶記都係過門不入，但因為琴日ot完真係太肚餓，附近又冇咩選擇，唯有同同事入呢間醫肚。印象中七喜好似唔止一間，另外響唔同區都見過，不過我淨係得新蒲崗有一間。差不多十二點入到去都坐左六成，心諗應該都唔差。我因為好肚餓所以叫左個麻婆豆腐飯，而同事叫左個咸蛋粥。叫餐時叫左侍應好多次都冇應，加上大媽黑口黑面，所以覺得服務好差。啲野離到都知伏味濃，個麻婆豆腐不知所謂，豆腐凍的，落生粉又勁重手搞到一舊一舊，完全係食左幾啖就食唔落。反而同事個粥正正常常。另外杯凍檸茶都正常，但鑑於佢服務同食物質素，唔會再有下次。