影片
更多
2022-11-14
1114 瀏覽
🌟餐廳：安平燒肉📍地址：旺角彌敦道593-601號創興廣場9樓💰價位：$201-400⏰營業時間：星期一至日12:00 - 16:00/17:00 - 23:00📱電話：39539323好耐無食燒肉啦!! 今日放工約埋同事一齊去安平燒肉~ 叫咗個澳洲M5和牛肩吃到飽套餐，除咗牛類，小食都好出色，值得推薦！———————————————————🔹澳洲M5和牛肩胛肉，必點之選！！脂肪平均又夠肉汁，輕燒已經充滿油脂香，肉質嫩滑，牛味濃厚～———————————————————🔹安格斯牛小排大理石花紋分布均勻，入口鮮美滑嫩，滿滿牛香，包埋生菜一齊食就啱曬啦！———————————————————🔹鹽蒜麻油和牛柳有少少既鹽味加上蒜香，燒完既牛柳更加係軟腍多汁～———————————————————🔹除咗牛類之外，套餐仲有雞類同豬類可選。特別推介鹽蒜麻油雞腿肉，雞腿肉燒完完全唔會鞋口，反而仲好彈牙！仲有辣味西班牙豬五花，五花肉層次分明，微微燒焦後將啲油份迫曬出嚟，配上原本醃製過既辣味，食落好香醇又甘甜。———————————————————🔹除咗肉類之餘，當然就唔少得海鮮既選擇啦～帆立貝勁大粒，又
📍地址：旺角彌敦道593-601號創興廣場9樓
💰價位：$201-400
⏰營業時間：星期一至日12:00 - 16:00/17:00 - 23:00
📱電話：39539323
好耐無食燒肉啦!! 今日放工約埋同事一齊去安平燒肉~ 叫咗個澳洲M5和牛肩吃到飽套餐，除咗牛類，小食都好出色，值得推薦！
———————————————————
🔹澳洲M5和牛肩胛肉，必點之選！！脂肪平均又夠肉汁，輕燒已經充滿油脂香，肉質嫩滑，牛味濃厚～
———————————————————
🔹安格斯牛小排大理石花紋分布均勻，入口鮮美滑嫩，滿滿牛香，包埋生菜一齊食就啱曬啦！
———————————————————
🔹鹽蒜麻油和牛柳有少少既鹽味加上蒜香，燒完既牛柳更加係軟腍多汁～
———————————————————
🔹除咗牛類之外，套餐仲有雞類同豬類可選。特別推介鹽蒜麻油雞腿肉，雞腿肉燒完完全唔會鞋口，反而仲好彈牙！仲有辣味西班牙豬五花，五花肉層次分明，微微燒焦後將啲油份迫曬出嚟，配上原本醃製過既辣味，食落好香醇又甘甜。
———————————————————
🔹除咗肉類之餘，當然就唔少得海鮮既選擇啦～帆立貝勁大粒，又夠新鮮，放理牛油一齊燒，好香口！麻辣章魚燙既章魚好彈牙，仲有麻辣既口感，鐘意食辣既人就啱曬啦～
———————————————————
🔹小食款款都好吸引，最鐘意就系烤魚干，燒到焦脆，食落好有咬口，沾埋蛋黃醬更加係食唔停口添啊！
———————————————————
🔹台灣小枕頭（麻糬）都系另一款好鍾意既小食，麻糬燒到脹卜卜，沾上煉奶，又香糯又甜甜地，過下口癮就最啱啦～
———————————————————
🔹另外仲有多款既涼拌小食，推薦涼拌小黃瓜，青瓜食落爽脆清甜，醃製過既味道酸酸甜甜，用嚟解膩一流。
———————————————————
🔹飲品方面有好多選擇，可以隨時去自助櫃自取。今次scan qr code揀左一款出面比較少見既紅火冰茶，大量火龍果粒加上解膩茶底，真係必飲之選！！超FRESH！！
———————————————————
🔹最後仲每人奉送一款甜品，可以揀雪糕杯或者芋圓糖水，大滿足～
———————————————————
張貼
