影片
更多
2021-03-16
1050 瀏覽
ʎǝɐɥ ı'ɯ noʇ ʞıddınƃ 🤯.講起重慶大廈，大家仲係會第一時間諗起印度菜，但其實朋友，返印度係未必要吔蕉既，重慶大廈都唔係淨係得印度菜。位於一樓既𝙋𝙖𝙪𝙡'𝙎 𝙆𝙞𝙩𝙘𝙝𝙚𝙣 ，就係非洲代表既表表者。.店主力推既二人套餐Set D有特色得來抵到爆，只需$170就包炸非洲鰂魚、韓式炆牛尾同梛菜絲沙律，香蒜飯仲可以免費轉非洲炒飯🤩間餐廳係小店來，一坐低老闆娘就好親切咁問我同友人想食乜，又請我地飲補身酒Akpeteshie。.Akpeteshie係加納當地好出名既一隻杜松子酒，飲完成身慶恰恰，真係一個好好既開場XD 老闆娘同成間餐廳既人都有講有笑，令餐廳既氣氛keep 住好好，從其他客人同老闆娘既對話可以聽得出佢地好多係翻頭客來，去到嗰一刻其實我都知間餐廳伏極有限😂.炸非洲鰂魚極度instagramable，淨係有得影作狀打卡相已經值回票價，一食落去熱辣辣得來脆到呢！雖然我不嬲唔太好多骨既魚，但依條例外，同埋，重要的事要說三次，如果你真係係食魚方面有困難，老闆娘可以幫你起骨！起骨！係起骨！咁既老闆娘係邊度揾！條魚雖然係炸既，但肉質結實得來唔係硬到可以打死人嗰款，而且本身肉味好
ʎǝɐɥ ı'ɯ noʇ ʞıddınƃ 🤯
.
講起重慶大廈，大家仲係會第一時間諗起印度菜，但其實朋友，返印度係未必要吔蕉既，重慶大廈都唔係淨係得印度菜。位於一樓既𝙋𝙖𝙪𝙡'𝙎 𝙆𝙞𝙩𝙘𝙝𝙚𝙣 ，就係非洲代表既表表者。
.
店主力推既二人套餐Set D有特色得來抵到爆，只需$170就包炸非洲鰂魚、韓式炆牛尾同梛菜絲沙律，香蒜飯仲可以免費轉非洲炒飯🤩間餐廳係小店來，一坐低老闆娘就好親切咁問我同友人想食乜，又請我地飲補身酒Akpeteshie。
.
Akpeteshie係加納當地好出名既一隻杜松子酒，飲完成身慶恰恰，真係一個好好既開場XD 老闆娘同成間餐廳既人都有講有笑，令餐廳既氣氛keep 住好好，從其他客人同老闆娘既對話可以聽得出佢地好多係翻頭客來，去到嗰一刻其實我都知間餐廳伏極有限😂
.
炸非洲鰂魚極度instagramable，淨係有得影作狀打卡相已經值回票價，一食落去熱辣辣得來脆到呢！雖然我不嬲唔太好多骨既魚，但依條例外，同埋，重要的事要說三次，如果你真係係食魚方面有困難，老闆娘可以幫你起骨！起骨！係起骨！咁既老闆娘係邊度揾！條魚雖然係炸既，但肉質結實得來唔係硬到可以打死人嗰款，而且本身肉味好重，配合老闆娘既特製調味醬同辣汁可謂perfect。
二人套餐Set D（炸非洲鰂魚、韓式炆牛尾同梛菜絲沙律）
$170
106 瀏覽
2 讚好
0 留言
.
韓式炆牛尾係老闆娘話佢餐廳其中一道最自豪既菜式，因為所有野完全係佢秘製，d肉通通炆足一晚，全都make sure係炆到淋唒同入味先拎出來。老實講我覺得個汁有少少濃過頭，但依度係重慶大廈wo，你唔會expect 係度揾到清淡野，攞來撈飯就啱啱好啦😛
.
最後加$30會有兩大杯菲律賓halo halo冰，冰上有一大球梛子雪糕，加埋煉奶同珍多冰式配料，我明明好飽都食到停唔到口！
菲律賓halo halo冰
$30
67 瀏覽
0 讚好
0 留言
.
兩個人加埋，埋單盛惠$200 only！你話係咪抵到痴！左！線！🤯
.
整體來講我好滿意依餐（LOL你睇我打咁大篇食評就知），無論係置身既環境定係氛圍，都令我以為自己正置身異國！原本係入重慶大廈嗰陣，都好怕會俾一大堆南亞裔圍住叫我去佢地既餐廳（諗起都有少少卻步），但最後係我同佢地講我係想去Paul's Kitchen 後，佢地都好好咁同我講嗰度係要點行去，叫我下次得閒先再幫襯佢地❤️So nice ar相信我重返重慶的日子不遠矣🤩
張貼
