一番日本料理

營業中

休息中

今晚老豆去開會食飯,我地兩個人就跟媽媽大人去「一番」下,大約六點半左右去左食,因為平日依段時間係唔駛等位,可以直接入去。入到去餐牌紙有超過二百款野食,好多牙點揀好呢………見到隔理枱食個超巨型既黃金蟹籽沙律,馬上O嘴,點食牙!所以我地一家三口決定唔食依個,我地叫左鹽燒秋刀魚,蒜香燒三文魚背,日式海鮮烏冬鍋,三文魚刺身,中華沙律小食同鰻魚炒飯,野食都來得幾快wor等左大約五分鐘就有冷盤。首先,來了三文魚刺身同中華沙律小食,三文魚刺身就有八片,味道都算係新鮮,油脂分佈都ok,而且夠凍既,有8分架,至於中華沙律小食都有幾多下,同埋酸味都夠,重點係佢夠凍冇出水之後,鰻魚炒飯來喇,個飯幾乾身,鳗魚都幾多,淡淡都有鰻魚食,而且味道不太喊,大家秒速清哂!好啦,日式海鮮烏冬鍋同鹽燒秋刀魚都到左喇,個鍋比較淡,入面D蝦,青口,日本魚蛋,蜆仔同雜菜再配個烏冬仔,清清地幾好秋刀魚,都唔腥,而且睇得係燒,唔係煎美中不足的地方來了,我既蒜香燒三文魚背等左30mins先到,不過好野係值得等既!因為真係好好好好蒜,勁多炸蒜係面,好香,而且D魚背都好香口,不會太老,剛剛好!最後埋單$280三個人,已經超級飽,抵食過放題