影片
更多
2012-01-22
20 瀏覽
今日難得嚟到德福食飯 就入嚟試吓 入面都幾光猛 有些精緻吊燈 枱局比茶餐廳好少少 點咗個二人晚餐 有餐前飲品兩杯橙汁 兩件蒜茸包 我鍾意佢唔太重蒜茸味 可能我唔太鍾意食蒜茸包o既關係 餐湯係白湯 不過不失 冇乜料 之後有兩個小食 分別係雞翼沙律 同薯茸焗田螺 雞翼有四隻 尚算夠味 皮亦脆 沙律都係普普通通生果加沙律醬 反而個田螺好出色 有八隻 薯茸啱啱好包住每隻田螺 夠鹹極好味 心想前菜咁好 主菜應該佳 接着 首先嚟個黑松露雜菌天使麵 我哋着實搵唔到黑松露 其次 d天使麵淥得太軟身 好似食緊米粉咁 好在白汁味道OK 有幾舊磨菇 碟麵亦夠大碟 之後就嚟黑豚肉眼扒 竟然得四件 未免太小了吧 嗰舊薯茸仲大個塊豬扒 肉質一般 有種死實實o既感覺 d汁都冇乜味 勝在有d豆食吓 之後仲有兩杯餐飲 嗌咗凍檸茶同凍咖啡 都係茶餐廳質素 甜品有芝士蛋糕同法式燉蛋 個燉蛋有酒落過 唔太甜 口感好滑 唔鍾意食太甜o既人會喜歡 個芝士蛋糕好滑 相當甜 如果唔係個主菜爭少少的話 今餐可以更滋味 今晚總共169元
張貼