影片
更多
2021-08-17
167 瀏覽
上個月👧🏻已經係ig見到銅鑼灣新開咗呢間居酒屋，啲相又幾靚啲foodie又話幾好食，一直都想搵機會試但一直都冇時間。終於搵到時間出街拍拖食飯👦🏻見openrice咁多好評就決定揀佢。-一入到去裝修幾靚，有啲嘈但好有居酒屋氣氛🏮 嘢食幾多選擇。<味淋雞泡魚干>呢個係全晚最好食嘅，用味淋燒到甜甜哋有少少燶味點埋沙律醬冇得輸😋<芥末牛舌>厚牛舌粒幾有咬口，但得咸味略嫌唔夠芥末味<特上刺身盛6點>有中吞拿魚腩，深海池魚，牡丹蝦，帶子，同另外兩款食咗都唔知係乜嘅魚。冇乜邊樣特別出色，其中👧🏻好期待嘅中吞拿魚腩都比預期中差，冇乜油份<煙燻雞肉他他>有紫菜，生雞蛋，飯同一板雞肉他他，再比客人自己包住嚟食，個idea幾好亦都幾好玩，有小朋友呢款自創壽司一定冇錯🤣 本身👧🏻係expect板雞肉他他係會有火炙環節，因為佢係under”自創火炙壽司”個column，係正火炙吞拿魚腩隔離，美麗嘅誤會🥲<牛油果軟殼蟹卷>呢個卷物基本上係我地每次食日本野都一定會嗌🥑 軟殼蟹炸得夠脆，但舊壽司有啲鬆散同比較乾身，可能各人口味但我地偏向中
上個月👧🏻已經係ig見到銅鑼灣新開咗呢間居酒屋，啲相又幾靚啲foodie又話幾好食，一直都想搵機會試但一直都冇時間。終於搵到時間出街拍拖食飯👦🏻見openrice咁多好評就決定揀佢。
-
一入到去裝修幾靚，有啲嘈但好有居酒屋氣氛🏮 嘢食幾多選擇。
<味淋雞泡魚干>
呢個係全晚最好食嘅，用味淋燒到甜甜哋有少少燶味點埋沙律醬冇得輸😋
<芥末牛舌>
厚牛舌粒幾有咬口，但得咸味略嫌唔夠芥末味
<特上刺身盛6點>
有中吞拿魚腩，深海池魚，牡丹蝦，帶子，同另外兩款食咗都唔知係乜嘅魚。冇乜邊樣特別出色，其中👧🏻好期待嘅中吞拿魚腩都比預期中差，冇乜油份
<煙燻雞肉他他>
有紫菜，生雞蛋，飯同一板雞肉他他，再比客人自己包住嚟食，個idea幾好亦都幾好玩，有小朋友呢款自創壽司一定冇錯🤣 本身👧🏻係expect板雞肉他他係會有火炙環節，因為佢係under”自創火炙壽司”個column，係正火炙吞拿魚腩隔離，美麗嘅誤會🥲
<牛油果軟殼蟹卷>
呢個卷物基本上係我地每次食日本野都一定會嗌🥑 軟殼蟹炸得夠脆，但舊壽司有啲鬆散同比較乾身，可能各人口味但我地偏向中意有多少少沙律醬
<Nami卷>
當初就係見到個個都post呢個nami卷而比佢吸引到 menu都未睇已經決定一定要嗌呢個。吞拿魚蓉三文魚籽海膽魚子醬都比得好足，但係可能太大期望所以覺得冇”哇”嘅感覺。
<串燒>
嗌咗雞腎雞軟骨上到枱已經唔熱，對於👦🏻對串燒好有要求嘅人表示真係未入口已經扣咗分，仲要好咸🥵 反而免治雞肉棒點蛋黃幾有驚喜，雞肉棒入面有軟骨咬下幾過癮😎
<豚肉鍋>
豚肉鍋包咗茶碗蒸，沙律同兩舊餃子兩粒魚蛋一份烏冬，份量絕對足夠。但👦🏻食完話都係返屋企食👧🏻整嘅好過🤔
———————————————————————
另外最令我地失望嘅係其中一位女侍應嘅態度😢
一開始問刺身5點同刺身6點嘅分別，佢話因為係廚司決定所以佢唔知，但6點可能有中拖羅/大拖羅。👧🏻就問可唔可以幫手問下因為👧🏻比較偏食。侍應:咁不如你講你有咩唔食啦，你咁多野唔食我建議你散嗌。即刻火都嚟埋🔥之後我地都係決定嗌個6點因為想試拖羅，出奇地另一位侍應竟然知道每個刺身盛入面有啲咩，亦都推薦我地嗌個貴少少嘅盛因為有拖羅，咁我地當然冇問題啦👌🏻只係唔明點解大家一齊返工可以有啲人知有啲人唔知，亦都唔明點解態度可以咁差。
-
落單嘅時候講咗話個豚肉鍋沙律茶碗蒸叫起因為枱太細擺唔落咁多野。結果食到成枱野嘅時候一開始幫我地落單女侍應又過嚟放低咗個茶碗蒸同沙律，👦🏻就同佢講乜你唔係話叫起先起咩? 個侍應即刻態度勁差咁話:咁你而加想點？幫你收咗佢囉。
-
除咗個女侍應之外其他侍應都幾有禮貌，會主動幫我地加水，見我地唔夠紫菜有offer幫我地加，仲有8點每人送咗一杯sake多謝客人對佢地嘅支持。不過真係唔係幾好個experience，難得抽到時間原本諗住開開心心拍拖食餐飯結果食得咁掃興。價錢就係正常居酒屋價，經openrice訂仲有85折。 但呢個價位絕到有更多更好嘅選擇，👦🏻👧🏻都覺得寧願比貴少少食得開心啲👀
張貼
