Turkeyano

營業中

休息中

自從搬咗出嚟出邊住之後，冇住家飯食，因為酒店唔可以煮飯，所以日日都要食外賣。但係有時我又覺得食米線、兩餸飯、壽司、薄餅，日日都食到悶，所以有時都不斷想嘗試下一啲新嘅嘢食，去尋求新鮮感。幸好住喺九龍嘅我哋都有好多嘅選擇，今日就一於試吓土耳其菜。叫咗兩個土耳其卷的外賣食。招牌土耳其炸雞雞塊佢喺油炸鍋入邊炸到香脆，再加埋生菜、洋蔥等配料包裹起嚟，食落特別Sharp Sharp 聲，鐘意香口既朋友仔岩曬。其實其他配料同埋醬汁基本上都差唔多，個卷都係有生菜絲同埋洋蔥絲，但係今次呢個就係肉丸，多咗嘅就係一份辣嘅味道。我鍾意刺激惹味，呢一個比較啱我。我叫嘅套餐可以自己選擇配芝士薯條同埋香辣薯條，佢嘅薯條炸到脆卜卜，香脆熱辣辣特別好食。