CHICKEN FACTORY (華心商場)

營業中

休息中

Item: CHICKEN FACTORY (華心商場)
Rating: 3
Author: or#Tm65940455

3.5

14 食評

味道

環境

服務

衛生

抵食

770

粉嶺

$50以下

多國菜少鹽少糖食店

資訊:
餐廳:	CHICKEN FACTORY (華心商場)

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

or#Tm65940455

等級1

餐廳附近都有大家樂大快活, 要食嘢大把選擇。但今日忽然想食海南雞飯, 本住雞飯主題嘅餐廳應該好食過佢哋, 就去幫襯咗chicken factory。幫襯過呢間餐廳幾次, 烤雞又買過, 海南雞飯又食過。今日晏晏地, 諗住食個迷你海南雞飯套餐當lunch, 價錢$29, 包飲品。我想食啲蔬菜, 加12蚊買咗個焗雜菜。但係嚟到個海南雞飯只有黑豉油淋喺面。我唔係海南人, 又唔係馬來西亞人/新加坡人, 喺我認知裏面, 冇試過食海南雞飯冇嗰碟辣醬。問廚房個阿姐, 佢話係食午餐個海南雞飯先有辣醬, 如要要畀$5。吓? 黑豉油辣醬同蒜蓉唔係海南雞嘅基本醬料咩? 哦! 呢間主打海南雞同焗雞嘅餐廳, 下午茶版嘅海南雞飯要加$5先可以有辣醬, 我真係第一次見識, 仲有咩好講? 唔係我唔捨得使錢, 我$12加個焗菜on top of $29嘅餐都冇嫌貴, 但係呢間餐廳嘅做法令我太失望。話分兩頭, 雞係滑嘅; 以我目測厚度如果有1.5 cm, 實際雞肉嘅厚度有0.5cm-1cm, 雞皮加雞油係我自己揀唔食啫; 焗蔬菜都幾香牛油味, 係鹹咗少少。飲品不過不失, 点咗紅菜頭XX汁,冇貨就飲咗樽溝出嚟嘅檸水。環境方面

餐廳附近都有大家樂大快活, 要食嘢大把選擇。但今日忽然想食海南雞飯, 本住雞飯主題嘅餐廳應該好食過佢哋, 就去幫襯咗chicken factory。

幫襯過呢間餐廳幾次, 烤雞又買過, 海南雞飯又食過。今日晏晏地, 諗住食個迷你海南雞飯套餐當lunch, 價錢$29, 包飲品。我想食啲蔬菜, 加12蚊買咗個焗雜菜。

但係嚟到個海南雞飯只有黑豉油淋喺面。我唔係海南人, 又唔係馬來西亞人/新加坡人, 喺我認知裏面, 冇試過食海南雞飯冇嗰碟辣醬。問廚房個阿姐, 佢話係食午餐個海南雞飯先有辣醬, 如要要畀$5。吓? 黑豉油辣醬同蒜蓉唔係海南雞嘅基本醬料咩? 哦! 呢間主打海南雞同焗雞嘅餐廳, 下午茶版嘅海南雞飯要加$5先可以有辣醬, 我真係第一次見識, 仲有咩好講? 唔係我唔捨得使錢, 我$12加個焗菜on top of $29嘅餐都冇嫌貴, 但係呢間餐廳嘅做法令我太失望。
話分兩頭, 雞係滑嘅; 以我目測厚度如果有1.5 cm, 實際雞肉嘅厚度有0.5cm-1cm, 雞皮加雞油係我自己揀唔食啫; 焗蔬菜都幾香牛油味, 係鹹咗少少。飲品不過不失, 点咗紅菜頭XX汁,冇貨就飲咗樽溝出嚟嘅檸水。
環境方面, ceiling嗰個圓盤型銀色冷氣出風口, 有好多水珠掛喺度, 隨時滴水落嚟, 堂食嘅食客要小心揀位坐。