一家

營業中

休息中

自疫情後都好少出街食飯, 想食既野都會盡量試下自己煮, 但都無辦法煮到同外面食既味道一樣, 所以都係慳返力水出去食仲好。本身無辣不歎既我, 抽起條筋想食辣野, 收工去左筲箕灣搵食, 去左依間上海中菜館食晚飯, 古色古香既格局, 到處都係打卡位, 幾有feel一共叫左三樣餸加一個甜品, 影下相打下卡好快就上菜啦麻辣香炸鳳尾魚賣相普通但食出驚喜! 表面有層蜜糖, 每條魚仔炸得非常酥脆可口, 食落甜甜地, 好開胃, 如果配酒咁食一流鮮肉鍋貼煎到個底金黃色, 餃子皮唔算好薄又唔會過厚, 一咬就爆哂啲汁出黎, 味道剛好唔好過咸酸菜魚入面好大量酸菜同芽菜, 魚肉嫩滑且無骨, 唔洗怕食到魚骨寬粉係底層, 順滑得黎帶煙韌, 份量都幾多, 加上辣度夠哂惹味, 食得辣既我地超鍾意缸鴨狗玫瑰桂花湯丸一送到黎就已經聞到陣陣玫瑰酒香, 湯丸口感偏軟身, 內餡係芝麻流心, 陣陣酒香味配芝麻湯丸都幾夾最後飲返杯野解下膩, 白雪雪姑姐係白桃焙茶, 而香氣二家姐就係橙柚蜜糖、茉莉茶加羅勒, 兩杯味道飲落清新可口, 甜度唔會太高, 啱哂我地依啲怕甜之人整體食物質數同環境都唔錯, 味道有啲家既感覺, 菜式都幾多, 上菜又快