禾牛薈火煱館 (金馬倫道)

營業中

休息中

呢間禾牛薈已經開咗好多年，仲記得好多年前嚟呢度食撞到胡定欣，事隔幾年再嚟食，裝修冇咩大變化，但仍然能夠保持食物水準！要咗椰子雞湯，同出邊嘅唔同，唔係淨係用椰子水，係清湯加椰子水同埋椰子肉來煲，椰子肉食落好重椰子味！雞嘅份量亦都好多！要咗本地手切牛肉一份，份量好多，應該足夠四至五個人食！牛味好濃郁，但比較韌。建議食牛肩脊位較好。帶子水餃亦都好大隻！味道幾甜幾好。蜂巢豆腐吸盡湯底嘅精華！食嘅時候要小心一d，因為好易被灼親。腐足正常鬼馬油炸鬼外脆內軟！蝦膠亦都打得好彈牙！奶黃水晶包皮薄餡靚！仲有少少蛋黃香！