影片
更多
2023-09-04
657 瀏覽
同朋友一行2人黎左LEE 間位於大學站凱悅酒店既沙田18 打算食佢地出名既北京片皮鴨, 但原來聽返店員講先知原來要食鴨是要訂位時通知埋餐廳, 因為佢地片皮鴨限量出既, 如果唔一早通知, 佢地當日賣哂就無架啦, 大家要留意啦, 好彩我去個日仲有得叫, 仲叫左個燒味拼盤同豆乾炒四季豆, 全部分量都好大份, 要大推既一定係佢地既CHA SIU!!!!!!! 我覺得仲出色過佢地既鴨!!!!!! 义燒外面燒得有少少焦脆, 密汁滿滿, 仲要係半肥瘦, 好JUICY 好好味!!! YUMMY!!!! 之後就到左期待已久既片皮鴨啦, 師父係我地面前處理隻鴨, 份量好多, 分開左2份, 一份鴨皮, 一份鴨肉, 仲有D 粉皮熱LALA 咁係蒸爐入面, 有有青瓜京蔥豆板醬就一定唔少得啦, 食落鴨皮香脆, 油脂比例岩岩好!!!! 至於鴨肉部分就不過不失沒有好驚喜, 但亦唔錯, 至於炒豆角都好好味, 炒得夠香, 個日好似仲叫多左個瑤柱炒飯但無影到相😂淡口清淡左少少, 正常發揮, 唔算特別推薦, 整體性價比都可以接受, 話哂係酒店入面既餐廳, 雖然環境唔算好好 ( 仲有少少太黑我覺得 ) 但服務好好, 份量亦好
張貼
