URBAN Cafe (彌敦道)

營業中

休息中

旺角Urban cafe係一間好有名氣嘅貓貓cafe佢哋嘅貓貓種類算係貓Cafe中最多嘅一間。貓貓亦都好親人，同埋環境保持得好乾淨，無咩異味。Urban另一出名一定係佢哋嘅二人餐啦！CP值好高。是日沙律 鮮果沙律清新又開胃。是日餐湯南瓜忌廉湯夠哂Creamy，湯中有滿滿南瓜嘅清甜。滋味小食拼盤三款炸物分別係唐揚雞塊、薯角、雞軟骨餃子，佢哋都採用即點即炸，所以每樣都香口非常，加埋調味得宜，令人一食上癮。西班牙燒烤醬黑毛豬肋骨配薯菜豬肋骨肉質嫩滑，有滿滿嘅肉汁，而且搽咗惹味嘅燒烤醬都唔會搶走豬肋骨嘅肉味，配菜可以揀薯菜或扁意粉，我哋揀咗薯菜，有熱辣辣脆卜卜嘅薯角，配埋豬肋骨一齊食更好味。溫泉蛋煙肉野菌黄金芝士卡邦尼扁意粉蛋用咗日本無菌蛋，食嘅時候更安全同健康，而卡邦尼醬都好Creamy，撈埋溫泉蛋後變得更順滑，更易將意粉掛滿醬汁，醬汁亦多添一份蛋香，而配料中嘅煙肉野菌令味道層次更多。