麻辣派對 (金百利廣場) (已結業)

最近阿女好喜歡吃酸菜魚，今日來到銅鑼灣逛逛，當然選擇《麻辣派對》，金百利廣場就在大型日資百貨公司隔鄰。酸菜味型江團(BB辣)~一大盆，賣相已經好吸引，魚片份量非常多，可夠三至四人分享，魚肉質地嫩滑，大大件，冇骨勁正，配料包括：爽爽蒟蒻片、滑滑水晶粉、芽菜、惹味酸菜、辣椒等等。五香牛筋腩小麵(BB辣)~午市下午茶時段有特惠套餐，包飲品及甜品，有麵有小菜，也有小吃等等，牛筋腩炆得好淋好入味，麵質爽滑，湯底味道香濃，配合爽口炸菜，加埋脆卜卜花生，增添口感。凍檸茶~食辣嘢一定要有凍飲。紅豆沙~足料，唔會太甜。