TOKENYO韓式烤肉料理

營業中

休息中

收工行去日出康城搵嘢食，見到呢間新開韓式食堂正在試業中，睇餐牌見到有烤肉、韓式Pizza、炸雞及其他韓料，價錢又好抵，入去試一試。室內烤肉餐桌幾乎坐滿，所以我們選擇坐戶外位置，簡直好似進入了一個小型遊樂場般，有夾公仔機、迷你籃球機、桌上足球機，仲有霓虹燈牆同好多得意pops俾食客拎住打卡，食玩影一條龍，好有氣氛！海鮮香蔥煎餅 $48餅底煎到金黃焦香，蔥花嘅清香中和油膩感，海鮮份量多到爆棚，每啖都食到彈牙蝦仁以及爽口魷魚粒，抵食！蒜香甜辣炸雞(無骨) $108韓國Oppa秘製醬汁真係無得輸！甜辣比例完美，辣度溫和但香氣爆棚，炸雞外皮好脆，咬開時雞肉仍保有肉汁，好嫩滑。芝士豚豚伴飯配野菜拼盤 $68想食芝士又想健康的人，點這個就最好！香嫩的豚肉上佈滿芝士粒，連同七彩繽紛的野菜拼盤（菠菜、紅蘿蔔絲、芽菜、菇菇…）一同攪拌食，既營養均勻又飽肚好味。鮮草莓and friends大包圍果汁 $28、柚子香橙雪泥冰 $28兩杯飲品口味都好清新，果汁有點似伕飲雜果賓治，雪泥冰就酸酸甜甜的，食完炸雞飲一啖，即刻解膩。