韓閣 (已結業)

鐘意食韓國菜，但係下下一係辣，一係炸，老人家就好抗拒。韓閣完全係滿足到兩邊嘅需要，黃大仙店晚市有小菜客飯套餐，我地平時食到嘅中式牛柳粒，酸辣湯等等都有！價錢勁合理，份量又大！個套餐客雙我點左韓式客飯，珍珠飯配上紫菜、芝麻、魚仔，咁樣食又幾惹味！最最最正係仲可以用優惠價加韓式小食，我就加曬海鮮餅同埋粉絲卷！飲品同甜品都勁多選擇！我就叫左抹菜爆珠紅豆同金湯匙（白桃紅茶）。waiter 拎住個gas爐過黎時，我話我冇叫打邊爐喎！waiter話你叫個抹茶冰火鐵板雪糕brownie幫你保溫，上凍下暖雙重享受！又真係幾正！燒仙草都大大杯！裝修都充滿韓式打卡位，韓式傳統海報區，彩色森林區，仲可以用$25/35分鐘借埋韓服影相！又食又影起碼可以玩半日呀！