MX (禾輋廣場) (已結業)

似乎要食哂咁多間美心下午茶。今次就食排骨面，岩岩攞嘅時候仲係熱辣辣有煙。雖然賣相好麻麻，但味道幾好，d汁都夠多，方便唔鐘意食太脆嘅人整翻軟佢。我個人就鐘意脆軟各一半，有兩種滋味嘛。排骨就真係得d骨，可能我比較鐘意食多d肉，所以對我嚟講就唔太ok，亦都見到相對上油左d。雖然份量唔係好大，但下午茶嚟講絕對夠飽，或者可以加多一份啫喱作為甜點，絕對係錦上添花。至於杯奶茶，一向對美心mx都有信心，可能我個人偏向鐘意奶嘅份量多d，所以基本糖都唔洗落就已經可以飲